بسم الله الرحمن الرحيم : " لقد كنت في غفلة من هذا فكشفنا عنك غطاءك فبصرك اليوم حديد " صدق الله العظيم. مش عارف ايه الفكرة اللي جات في دماغي إني أدون حالتي في الفترة دي، و أنا شبه متيقن أن مفيش حد هيقرأ الكلام ده...
يارب يارب يارب أنجح صافي و بتقدير كويس عشان خاطر بابا و ماما و اخواتي و اكرمني أنا و كل حد زيي .. تقريبآ مفيش سجدة بسجدها و قبل ما أقول الله اكبر اكون قولت الدعوة دي.. يمكن حالتي الخارجية اللي باينة للناس إني مبسوط و مش قلقان و مش شايل هم حاجة، بس ربنا وحده يعلم إني كمية الخوف و القلق اللي جوايا لا توصف.. بس برجع و أقول عشمي في ربنا كبير مش مجرد كلام بقوله، لا أنا مدرك الكلام ده، مدرك و مؤمن في كرم ربنا و عطاؤه..
فترة بكرهها تيجي عليا إني مبحبش أتكلم مع حد بس للأسف أنا عايشها حاليآ.. بس هي فترة كويسة من جوانب أخري.. فترة اقعد ساكت أفكر و أحاسب نفسي علي السنة اللي خلصت بحلوها و مرها.. و تفكيري في مستقبلي يا تري هكمل في المسرح ؟ طيب هجيب تقدير ايه السنة الجاية ؟ طيب قسم باور و لا اتصالات ؟ طيب ربنا مش هيكرمني كدة و الاقي بنت الحلال اللي هبتدي افكر اعمل ايه و اوصل ل ايه عشان أكون أنا الشخص المناسب ليا و ليها !! و لا هقعد جنب أخويا و نونس بعض من غير جواز ؟؟ حبيبي يا شيتوس .. انجز يا بايااااا عايز حد يقولي عمو .. بالمناسبة كمان ٣ شهور إن شاء الله هبقي خالو :) خالو وائل أبو ١٩ سنة و ٣ شهور ..
و الله العظيم نعم ربنا عليا كتير جدآ .. لثواني معدودة قعدت أتخيل كل فرد من أفراد أسرتي اللي ربنا رزقني بيه و بكل النعم اللي ربنا ادهالي فيه .. بابا مثلا بتخيل لو معنديش أب زي ده !! أنا فعلا متيقن أن كلمة راجل و صفة الرجولة اكتشفوا عشان تنطبق علي بابا .. أنا ممتن ليك يا والدي بعمري كله .. أنا لما سافرت الإمارات و كنت بروح اقعد معاك أنا فعلآ حبيتك .. حبيتك بمعني الكلمة..
أمي .. أنا يكفيني فخرآ إن اعمامي و اخوالي يقولوك انتي أم مثالية .. يكفيني فخرآ انك مخلياني لحد هذه اللحظة مش بطلع شتيمة وحشة من بوقي .. يكفيني فخرآ أنك مخلياني و انا قاعد وسط كل الناس باختلاف اخلاقهم لما حد بيتكلم معايا هو عارف الاسلوب اللي هيتكلم بيه معايا .. شكرآ عشان مخلياني لحد اللحظة دي انسان صاحب لسان نضيف..
أخويا.. أنت أخ أب صديق أنت الحياة .. أنت كل حاجة حلوة .. انت فعلا اللي يتقال عليك نعمة .. انت الشخص الوحيد اللي اتمنيت من صغري أني أكون زيه .. شكرآ علي كل حاجة علمتهالي.. شكرا علي اللبس اللي جبتهولي من أول مرتب ليك قبل متجيب لنفسك .. شكرا علي انك بتاخدني العب معاك كورة .. شكرا انك اول واحد يفرجني علي ماتش الاهلي في الاستاد .. صحيح فرق بيننا ٩ سنين .. بس أخوك كبر و بقي راجل يا شيتوووس :).
أختي .. عقدتي إني كان نفسي يكون ليا اخت صغيرة عشان اضربها كدة و اعلي صوتي عليها زي ما انتي بتعملي معايا و انا مش بقدر اتكلم عشان ماما قالتلي أخوك و أختك اوعي تعلي صوتك عليهم .. بغض النظر عن ان احنا حياتنا عبارة عن مشاكسة في بعضينا .. بس البيت وحش من غيرك .. مش لاقي حد يزعقلي .. ايوة انا مفتقد زعيقك ليا .. كبرتي و اتجوزتي و إن شاء الله كمان كام شهر اختي اللي كنا ناقر و نقير هتبقي أحلي ماما في الدنيا .. كبرنا يا أولاد .. فاكرين فيديوهات بتاعتنا و احنا بنرقص سواا .. و احنا بتفرج علي التليفزيون سواا .. و احنا بنلعب اتاري و بلايستيشن وان .. كبرنا و بقينا مهندسين و في نفس الكلية و اديكوا اتخرجتوا .. ادعولي احصلكوا .. سبتوني وحدي في المنزل .. وحشتوني
بابا مسافر .. أخويا مسافر .. اختي في عش الزوجية .. أنا و أمي وحدنا في المنزل .. هكذا هي الحياة .. هكذا هي قصتنا ..
هذه هي عائلتي .. إنها حقآ أسرة تدعو للفخر .. فاللهم لك الحمد بما أنعمت علَي ..
يارب يارب يارب أنجح صافي و بتقدير كويس عشان خاطر بابا و ماما و اخواتي و اكرمني أنا و كل حد زيي .. تقريبآ مفيش سجدة بسجدها و قبل ما أقول الله اكبر اكون قولت الدعوة دي.. يمكن حالتي الخارجية اللي باينة للناس إني مبسوط و مش قلقان و مش شايل هم حاجة، بس ربنا وحده يعلم إني كمية الخوف و القلق اللي جوايا لا توصف.. بس برجع و أقول عشمي في ربنا كبير مش مجرد كلام بقوله، لا أنا مدرك الكلام ده، مدرك و مؤمن في كرم ربنا و عطاؤه..
فترة بكرهها تيجي عليا إني مبحبش أتكلم مع حد بس للأسف أنا عايشها حاليآ.. بس هي فترة كويسة من جوانب أخري.. فترة اقعد ساكت أفكر و أحاسب نفسي علي السنة اللي خلصت بحلوها و مرها.. و تفكيري في مستقبلي يا تري هكمل في المسرح ؟ طيب هجيب تقدير ايه السنة الجاية ؟ طيب قسم باور و لا اتصالات ؟ طيب ربنا مش هيكرمني كدة و الاقي بنت الحلال اللي هبتدي افكر اعمل ايه و اوصل ل ايه عشان أكون أنا الشخص المناسب ليا و ليها !! و لا هقعد جنب أخويا و نونس بعض من غير جواز ؟؟ حبيبي يا شيتوس .. انجز يا بايااااا عايز حد يقولي عمو .. بالمناسبة كمان ٣ شهور إن شاء الله هبقي خالو :) خالو وائل أبو ١٩ سنة و ٣ شهور ..
و الله العظيم نعم ربنا عليا كتير جدآ .. لثواني معدودة قعدت أتخيل كل فرد من أفراد أسرتي اللي ربنا رزقني بيه و بكل النعم اللي ربنا ادهالي فيه .. بابا مثلا بتخيل لو معنديش أب زي ده !! أنا فعلا متيقن أن كلمة راجل و صفة الرجولة اكتشفوا عشان تنطبق علي بابا .. أنا ممتن ليك يا والدي بعمري كله .. أنا لما سافرت الإمارات و كنت بروح اقعد معاك أنا فعلآ حبيتك .. حبيتك بمعني الكلمة..
أمي .. أنا يكفيني فخرآ إن اعمامي و اخوالي يقولوك انتي أم مثالية .. يكفيني فخرآ انك مخلياني لحد هذه اللحظة مش بطلع شتيمة وحشة من بوقي .. يكفيني فخرآ أنك مخلياني و انا قاعد وسط كل الناس باختلاف اخلاقهم لما حد بيتكلم معايا هو عارف الاسلوب اللي هيتكلم بيه معايا .. شكرآ عشان مخلياني لحد اللحظة دي انسان صاحب لسان نضيف..
أخويا.. أنت أخ أب صديق أنت الحياة .. أنت كل حاجة حلوة .. انت فعلا اللي يتقال عليك نعمة .. انت الشخص الوحيد اللي اتمنيت من صغري أني أكون زيه .. شكرآ علي كل حاجة علمتهالي.. شكرا علي اللبس اللي جبتهولي من أول مرتب ليك قبل متجيب لنفسك .. شكرا علي انك بتاخدني العب معاك كورة .. شكرا انك اول واحد يفرجني علي ماتش الاهلي في الاستاد .. صحيح فرق بيننا ٩ سنين .. بس أخوك كبر و بقي راجل يا شيتوووس :).
أختي .. عقدتي إني كان نفسي يكون ليا اخت صغيرة عشان اضربها كدة و اعلي صوتي عليها زي ما انتي بتعملي معايا و انا مش بقدر اتكلم عشان ماما قالتلي أخوك و أختك اوعي تعلي صوتك عليهم .. بغض النظر عن ان احنا حياتنا عبارة عن مشاكسة في بعضينا .. بس البيت وحش من غيرك .. مش لاقي حد يزعقلي .. ايوة انا مفتقد زعيقك ليا .. كبرتي و اتجوزتي و إن شاء الله كمان كام شهر اختي اللي كنا ناقر و نقير هتبقي أحلي ماما في الدنيا .. كبرنا يا أولاد .. فاكرين فيديوهات بتاعتنا و احنا بنرقص سواا .. و احنا بتفرج علي التليفزيون سواا .. و احنا بنلعب اتاري و بلايستيشن وان .. كبرنا و بقينا مهندسين و في نفس الكلية و اديكوا اتخرجتوا .. ادعولي احصلكوا .. سبتوني وحدي في المنزل .. وحشتوني
بابا مسافر .. أخويا مسافر .. اختي في عش الزوجية .. أنا و أمي وحدنا في المنزل .. هكذا هي الحياة .. هكذا هي قصتنا ..
هذه هي عائلتي .. إنها حقآ أسرة تدعو للفخر .. فاللهم لك الحمد بما أنعمت علَي ..
اللهم إني استودعتهم في حفظك و رعايتك .. اللهم اجمعني بهم يوم لقائك .. اللهم أجعلني أول روح تقبضها في هذه الأرواح الذكية الطاهرة..
